කව්රු මොනවා කොහොම කිව්වත් පරිසරයේ ඇත්තම සුන්දරත්වය බලන්න නම් සිරිපාදේ යන්න ඕන අවාරේ. හැබැයි සුන්දරත්වය නැති කරන්න නම් නෙවෙයි.!
වෙනද සෙට් එකේ එකෙක් දෙන්නෙක් අඩු උනාට අදත් කණ්ඩායම දහයක්. කොටා, පබා, පෝෂි, ශා, බාවා, පුටේ, ගොකා, කලූ, බෙරී, මං. ගමන පටන් ගත්තේ බස් එකේ, කොළඹින් පාන්දර 1.00ට. දෙහිඕවිටට එද්දි පාන්දර 3.00 විතර ඇති. එතන ඉදල බොලරෝ එකක් සෙට් කරන් දැරණියගල හරහා උඩ මාලිබොඩ දික්ඇල්ල කන්ද ගමට ආවේ. කොහොමහරි උදේ 7 වෙද්දී අපි ධර්මේ මාමගේ (රක්ෂිතයට ඇතුලුවෙන තැන ගෙදර මාම) වතාවත් ටික කරල ඉවර වෙලා, කැලයට ඇතුළු උනා. මෙච්චර ලස්සන පරිසරයකට ඇතුළු උන පලවෙනි අවස්ථාව තමයි මේක. තවමත් වැඩියේ මිනිස්සුන්ගෙන් කිලිටි නොවුණු නිසාවෙන්.! කියන්නම ඕන එකක් තමයි ඇතුලෙදි අපට හමු වෙන පට්ටම යාළුවො ටිකක් ගැන. එක කකුලක් උස්සල අනිත් එක ගන්න වෙන්නේ නෑ ඒ තරම් කුඩැල්ලෝ. යනවනම් අනිවාරෙන්ම කුඩැල්ලන්ගෙන් බේරෙන්න මොනවහරි අරන් යන්න.(කුඩැල්ලන්ට මේස් ආවරණ තියෙනවා ඕනනම් සෙට් කරලා දෙන්න පුළුවන් අපට).
එහෙම දිගටම ගිහින් අපට හමු උනා කුරු ගඟ. සීත ගඟුල කියන්නෙත් එකමයි. හයියෙන් වැස්සක් වැස්සම මෙතනින් එහාට යන්න වෙන්නේ නෑ. වෙලාවට අපිට එහෙම බාදාවක් නම් උනේ නෑ. මහන්සියක් නම් දැනෙන්නේ නෑ කැලේ ඇතුලේ තියෙන ලස්සන නිසා. අපි දවල් කෑම ගඟ අයිනේ ඉදන් කාල ආපහු යන්න පටන් ගත්තේ කොහොමහරි එරත්න පාරට සෙට් වෙන්න ඕන නිසා. ඒ වෙනකොට වෙලාව හවස 3.30 වගේ වෙලා. කොහොමහරි හවස 7 වගේ වෙද්දී අපි එරත්න කුරුවිට පාරෙ. ඔහොම යද්දී එන්න එන්නම රෑ බෝවෙගෙන ඇවිල්ල, යන්න අමාරුයි දැන් කට්ටියටම. නැවතුනා ගල්වංගෙඩිය ලග තියෙන අතැරලා දාපු කඩයක් සුද්ද පවිත්‍ර කරගෙන. එහෙම්ම උයාගෙන කාල ඒකෙ රෑ ගත කරලා උදේ ආපහු ගමන යන්න පටන් ගනිද්දී 10.30 වගේ වෙලා. දැන් අපි යන්නේ දෙපැත්තේම පඩිපෙළෙන් ඇතුලටත් කැලේ වැවිල, මීදුමෙන් වැහිලා ගිය රත්නපුර පලාබද්දර පාරේ. වැස්සත් එක ගානටම වහිනවා, හයියෙනුත් නෙවේ හෙමිනුත් නෙවේ.. යද්දී වැසි කබා අරන් යන්නත් අමතක කරන්න එපා.
උඩමලුවට ළඟාවෙද්දි වෙලාව දහවල් 1 පහුවෙලා. හිටි ගමන් කව්රුත්ම පෙන්නේ නැති වෙන්න මීදුම. කියන්න වචන නම් නෑ ලස්සන. ඊටපස්සේ අපි සිරිපා වන්දනා කරලා, අරන් ගිය පොඩි පොඩි කෑම ටිකකුත් බඩට දාගෙන ආපහු එන්න පටන් ගත්තේ නල්ලතන්නියට එන පාරෙන්. එද්දිත් දිගටම හෙමි හෙමීට වැස්ස. කොහොම කොහොමහරි නල්ලතන්නියට එද්දී 6 පහුවෙලා, යන්න බස් එකක් මිස් වෙලා. එතනින් කුලියට වාහනයක් සෙට් කරගෙන හැටන් වලට ආපු අපි අපේ අවාරේ සිරිපා වන්දනාව අවසන් කරලා නැවතත් කොළඹට ආව.
වෙනද සෙට් එකේ එකෙක් දෙන්නෙක් අඩු උනාට අදත් කණ්ඩායම දහයක්. කොටා, පබා, පෝෂි, ශා, බාවා, පුටේ, ගොකා, කලූ, බෙරී, මං. ගමන පටන් ගත්තේ බස් එකේ, කොළඹින් පාන්දර 1.00ට. දෙහිඕවිටට එද්දි පාන්දර 3.00 විතර ඇති. එතන ඉදල බොලරෝ එකක් සෙට් කරන් දැරණියගල හරහා උඩ මාලිබොඩ දික්ඇල්ල කන්ද ගමට ආවේ. කොහොමහරි උදේ 7 වෙද්දී අපි ධර්මේ මාමගේ (රක්ෂිතයට ඇතුලුවෙන තැන ගෙදර මාම) වතාවත් ටික කරල ඉවර වෙලා, කැලයට ඇතුළු උනා. මෙච්චර ලස්සන පරිසරයකට ඇතුළු උන පලවෙනි අවස්ථාව තමයි මේක. තවමත් වැඩියේ මිනිස්සුන්ගෙන් කිලිටි නොවුණු නිසාවෙන්.! කියන්නම ඕන එකක් තමයි ඇතුලෙදි අපට හමු වෙන පට්ටම යාළුවො ටිකක් ගැන. එක කකුලක් උස්සල අනිත් එක ගන්න වෙන්නේ නෑ ඒ තරම් කුඩැල්ලෝ. යනවනම් අනිවාරෙන්ම කුඩැල්ලන්ගෙන් බේරෙන්න මොනවහරි අරන් යන්න.(කුඩැල්ලන්ට මේස් ආවරණ තියෙනවා ඕනනම් සෙට් කරලා දෙන්න පුළුවන් අපට).
එහෙම දිගටම ගිහින් අපට හමු උනා කුරු ගඟ. සීත ගඟුල කියන්නෙත් එකමයි. හයියෙන් වැස්සක් වැස්සම මෙතනින් එහාට යන්න වෙන්නේ නෑ. වෙලාවට අපිට එහෙම බාදාවක් නම් උනේ නෑ. මහන්සියක් නම් දැනෙන්නේ නෑ කැලේ ඇතුලේ තියෙන ලස්සන නිසා. අපි දවල් කෑම ගඟ අයිනේ ඉදන් කාල ආපහු යන්න පටන් ගත්තේ කොහොමහරි එරත්න පාරට සෙට් වෙන්න ඕන නිසා. ඒ වෙනකොට වෙලාව හවස 3.30 වගේ වෙලා. කොහොමහරි හවස 7 වගේ වෙද්දී අපි එරත්න කුරුවිට පාරෙ. ඔහොම යද්දී එන්න එන්නම රෑ බෝවෙගෙන ඇවිල්ල, යන්න අමාරුයි දැන් කට්ටියටම. නැවතුනා ගල්වංගෙඩිය ලග තියෙන අතැරලා දාපු කඩයක් සුද්ද පවිත්‍ර කරගෙන. එහෙම්ම උයාගෙන කාල ඒකෙ රෑ ගත කරලා උදේ ආපහු ගමන යන්න පටන් ගනිද්දී 10.30 වගේ වෙලා. දැන් අපි යන්නේ දෙපැත්තේම පඩිපෙළෙන් ඇතුලටත් කැලේ වැවිල, මීදුමෙන් වැහිලා ගිය රත්නපුර පලාබද්දර පාරේ. වැස්සත් එක ගානටම වහිනවා, හයියෙනුත් නෙවේ හෙමිනුත් නෙවේ.. යද්දී වැසි කබා අරන් යන්නත් අමතක කරන්න එපා.
උඩමලුවට ළඟාවෙද්දි වෙලාව දහවල් 1 පහුවෙලා. හිටි ගමන් කව්රුත්ම පෙන්නේ නැති වෙන්න මීදුම. කියන්න වචන නම් නෑ ලස්සන. ඊටපස්සේ අපි සිරිපා වන්දනා කරලා, අරන් ගිය පොඩි පොඩි කෑම ටිකකුත් බඩට දාගෙන ආපහු එන්න පටන් ගත්තේ නල්ලතන්නියට එන පාරෙන්. එද්දිත් දිගටම හෙමි හෙමීට වැස්ස. කොහොම කොහොමහරි නල්ලතන්නියට එද්දී 6 පහුවෙලා, යන්න බස් එකක් මිස් වෙලා. එතනින් කුලියට වාහනයක් සෙට් කරගෙන හැටන් වලට ආපු අපි අපේ අවාරේ සිරිපා වන්දනාව අවසන් කරලා නැවතත් කොළඹට ආව.
ම්ම්ම්.. ගමන නම් ඇත්තටම ලස්සනයි වගේම බයානකයි! යන අය හැම දේටම සුදානම් වෙලා තමයි යන්න ඕන. වැස්සෙන්, විශේෂයෙන් කුඩැල්ලන්ගෙන් ආරක්ෂා වෙන්න ඕන. කන්න ගානට අරන් යන්න ඕන. කැලේ ඇතුලෙදි මොනවා හරි උනොත් කියන්න කව්රුත් නෑ. තව එකක් අපි යද්දී අපට අලි-බෙටි හමු උනා. තව ගොඩක් අය දන්නව දිවියන් ඉන්න බව. අපි යන්නේ සමනල අඩවියට කියල අමතක කරන්න එපා. ඒ දේවල් ඒ විදියට කරලා යන්න. කොහොම උනත් අපි වාරෙට යනවා වගේ නෙවේ කියලත් කියන්න ඕන, සිරිපා බිස්නස් නෑ. එකයි මන් ආසම දේ. 💓
තව, මේ වගේ ගමනක් ඇත්තටම යන්නේ මන් දන්න විදියටනම් පරිසරයට ආදරේ කරන අය විතරයි. ඒකනිසා පරිසරයට නම් කිසිම විදියක හානියක් කරන්න එපා. කුණු එකතු කරන බෑග් ගෙනියන්න. යද්දී එද්දී ඔක්කොම එකතු කරන්න. පහලට බහින ටිකේ නම් ගොඩක් අය දාපු ඒවා තියෙනවා, ඒවත් දාගෙනම බහින්න. මේ තරම් ලස්සන රට විනාශ නොකර ඉදිරි පරපුරටත් රකින්න උදව් වෙන්න!
දිනය : 2019/08/17,18
(දැරණියගල, උඩ මාළිබොඩ, දික්-ඇල්ල කන්ද, කුරු ගඟ, ගෙත්තම්පාන, ගල්වංගෙඩිය, මෑල්ල මලකදුර, උඩමළුව, ශ්‍රී පාදය, නල්ලතන්නිය)
-ජූලා
2019/08/17
Like Us On Facebook : https://www.facebook.com/SerendibSri/
Subscribe Us On Youtube : https://www.youtube.com/channel/UCRA2yAfcoO7_8ySX-d_jaNg/
🤩🤩❤
ReplyDelete