Narangala | නාරංගල

නාරංගල, කඳු කඳු මුදුන (1500m) ඉතා අලංකාර වටපිටාවක් සහිත බදුල්ල දිස්ත්‍රික්කයේ ඌව පළාතේ පිහිටා ඇත. එය ඌව පළාතේ දෙවන උසම කන්ද වන අතර එය නමුණුකුල  කන්දට පමණක් දෙවැනි වේ. නාරංගල කඳු මුදුනේ දැකිය හැකි ලා රන්වන් පැහැය නිසා එයට නාරංගල යන නම පට බැදේ. තව ද Golden Peak ලෙසද හදුන්වයි.

නාරංගල රන් කඳු මුදුන කොටස් දෙකකින් සමන්විත වේ. (ඉහළ කොටස සහ පහල කොටස). ඔබ නාරංගල කන්දෙහි ඉහළ කොටසට ළඟා වන විට, ඔබේ ජීවිතයේ මෙතෙක් දැක ඇති ඉතාම සුන්දර දර්ශනය ඔබට දැකගත හැකිය. උදේ පාන්දරින්ම ඔබට එහි ළඟා විය හැකි නම්, අපූරු හිරු උදාව, නායබැද්ද මැඩොල්සිම ප්‍රදේශය, එක් පැත්තකින් පූනගල ප්‍රදේශය සහ ඉදල්ගස්හින්න සහ හපුතලේ සානුව, නමනුකුල කඳු වැටිය සහ අනෙක් පැත්තේ හෝර්ටන් තැනිතලාව, රන්දෙනිගල රක්ෂිතය දැක ගත හැකිය.

ඔබ පැමිණෙන්නේ කොළඹ සිට නම්, බදුල්ල නගරයට පැමිණ,  එතැන් සිට කීනකැලේ බසයක පැමිණ හෝ කන්දෙගෙදරට පැමිණ, එතැන් සිට කීනකැලේ දක්වා ගමන් කල යුතුය. කීනකැලේ බසය නවතන ස්ථානයේ සිට ඔබට කන්ද තරණය කිරීමට සිදුවේ. කඳු මුදුනට ළඟා වීමට ඔබට භාවිතා කළ හැකි අඩිපාරවල් සහ පියවරයන් කිහිපයක් ඇති අතර සමහර භයානක ස්ථානවල ආරක්ෂිත යකඩ වැටවල් ද ඔබට හමුවනු ඇත.

වැදගත්  කරුණු නම්..
ළමයින් රැගෙන යනවනම් පරෙස්සමෙන් යා යුතුය. දැඩි සුළගක් සහිත ප්‍රදේශයකි. කදු මුදුනේ ජල සැපයුමක් නොමැති නිසා අවශ්‍ය තරම් ජලය සහ ආහාර රැගෙන යා යුතුය. විශේෂම කරුණක් නම් රාත්‍රිය එහි කුඩාරම් ගසා නවතින්නේනම්, ඉතා ගිනිගන්නාසුළු තණකොළ සහිත වන බැවින් ඉතාමත් ප්‍රවේශම් විය යුතුමය.

එබැවින් මතු පරපුරටත් මේ උරුමයන් මෙලෙසින්ම ආරක්ෂා කර ගැන්ම අප සැමගේ යුතුකමකි!

-ජූලා
2019/07/13

Like Us On Facebook : https://www.facebook.com/SerendibSri/
Subscribe Us On Youtube : https://www.youtube.com/channel/UCRA2yAfcoO7_8ySX-d_jaNg/