Nelligala | නෙල්ලිගල ජාත්‍යන්තර බෞද්ධ මධ්‍යස්ථානය

නව පරම්පරාවේ බෞද්ධ ඉතිහාසයේ නිමවූ විශිෂ්ඨ නිර්මාණයක් තමයි නෙල්ලිගල ජාත්‍යන්තර බෞද්ධ මධ්‍යස්ථානය. ඉතා රමණීය කදු මුදුනක දහසකුත් දුක් පීඩා මැද සූර්ය සිංහ තරුණ සංවිධානයේ තරුණ පිරිසගේ සහ කල්‍යාණ මිත්‍රයන් බොහෝ දෙනෙකුගේ සහභාගීත්වයෙන් ඝන කැලෑවක්ව තිබූ මෙම භූමිය එලි පෙහෙලි කරන ලදී.බෞද්ධ ඉතිහාසයට නැවුම් යමක් එකතු කරමි තවත් ජාතියක අරමුණු පරදා ඔවුන් වෙර දැරූ උත්සහය සුනු විසුණු කරමින් ජයගත් පින් බිමකි.නිල් අහස් තලය සිපගනිමින් ශාක්‍ය සිංහ මහ සෑ රජු උසින් අඩි 72ක් පමණ වන අතර රුවන් වැලි සෑ රජුන්ගේ ආකෘතියට අනුකූලව නිර්මානය කර ඇති අතර මේ මහා සෑය නිර්මාණය කිරීමට ගත වුයේ වැඩ කරන දින 90ක් වැනි කෙටි කාලයක් විමද සුවිශේෂත්වයකි.ඉදිරියේදි අඩි 100ක් පමණ උසින් යුත් සම්බුද්ධ ප්‍රතිමාවක්, තථාගත ධාතූන් වහස්සේ තැන්පත් කිරීම උදෙසා ධාතු මන්දිරයක්, තවද කෙලෙස් තවන උතුවන්ට අකාලික මුණි දහම අතැඹුලක්සේ බෙදා දෙමින් ඔවුන්ට කෙලෙස් තවන විර්ය ලබා ගැනීම පිණිස වීර්ය වඩමින් භාවනා යෝගිව වැඩසිටීමට අවශ්‍ය භාවනා කුටි වලින් සමන්විත ආරණ්‍යක් මෙම පුද බිමේ ඉදිකිරීමට නියමිතව ඇත. සුවිසල් කඳු මුදුනක දහඩිය මහන්සිය වගුරවා,මහා ප්‍රාකාර බදිමින් තවමත් ඉදිවෙමින් පවතින මෙම පුදබිම වරක් ඇවිද යා යුතුමය. කෙසේ හෝ කවුරුන් හෝ සටන් වැදිය යුතුය ආගම දහම ජාතිය වෙනුවෙන්.ආගමක් ව්‍යාපාරීකරනය වීමක් ලෙස තවකෙකු දකින්න පුලුවන් එනමුදු උපන් බිමේ ඇටමස් ලේ නහරවල කකියන කම ඇත්තෝ ජාතියක් පණවැල රැකගන්න කරන මෙහෙයුමක් විදියට දකිනවා මෙය.සැබැවින්ම මෙසේ සුවිසල් නව ගොඩනැගීන් අවශ්‍ය කරන කාලයක් මේක.අගලක් අගලක් ගානෙව් මා ඇවිද ගිය පාරක් තොටක් ගානේ මම දුටුවෙ වෙනයම් දෙයක්.සිතීමට යමක් ඉතිරි කොට ලිවීමට තව බොහෝ දේ එක්කාසු කරමින් නවතිමි.

"අපි , අපගේ උරුමයන් රැකගත යුතුය" 

රචනය : උදාර ජයසංඛ ©️
2018-12-14

Like Us On Facebook : https://www.facebook.com/SerendibSri/
Subscribe Us On Youtube : https://www.youtube.com/channel/UCRA2yAfcoO7_8ySX-d_jaNg/