මාර්තුවෙ දවසක්.. අපේ කල්ලියට අලුතෙන් සෙට් වුන සෙට් එකත් එක්ක කොළඹින් පිටත්වුන අපි කලුපහන හන්දියෙන් බහිනකොට පාන්දර පහ වගේ. හංදියෙ බුදු කුටියෙන් බුදුන් වැදලා අපි පහන් එළියෙම පිටත් උනා. නොදන්න ගමනක් කන්දට නගින්න පටන් ගන්න තැන ගැන නිෂ්චිත අදහසක් නෑ. අසිත අයියා ගම ගැන යම් අවබෝධයක් තිබුන අපේ සහෝදරයෙක්. අඩ අඳුරෙම සීත මීදුම් අතරින් අපි පරණ වැල් පාලම ළඟට ළං වුනා. අපේ පළමු නැවතුම වැල් පාලම ළඟ. තේ එකකින් බිස්කට් එකකින් සප්පායම් උන අපි ටිකක් නිදහසේ ගිමන් හැරියා. වැල් පාලම ළඟට වංගෙඩිගල පැහැඳිලිව දකින්න පුළුවන් ඇත්තටම කඳු මුදුනට ළඟාවෙන්න ඕන පාරක් ගැන අපි දැනගෙන උන්නෙ නෑ. ඇස් මට්ටමින් නිර්මාණිත මාර්ගයක් ඔස්සේ අපි සොඳුරු වනයක් තුලින් දිය පහරක් මඟ කියද්දි ඉහළට ඇඳුනා.
අපි ගියේ රැයක අසිරි විදින්න. ඕනෑම ගමනකට පෙර දැනුවත් වීම වැදගත් කරුණක්.කඳු මුදුනෙ දර නෑ මැලයකට අවශ්‍ය කරන.බීමට ජලය නෑ පිපාසය සංසිදුවාගන්න. ඉතින් අපි දරමිටි බැදගෙන, වතුර කර තියන් ෆයිනස් කැලයක් මැදින් මුදුනට ඇදුනා. ජීවිතේ තවත් සොඳුරුතුම ගමනක්. යලිත්, පරිසරයට හිතකාමී සිත් ඇත්තන් සමග යාම ආඩම්බරයක්.
මද්දහන ළං වෙනකොට අසීරු ගමනක අවසානයක. කඳු මුදුනෙහි කුඩා තැනිතලාව අපිරිසිදු වී ගිමන් නොහැරම පිරිසිදු කටයුතු වල නිරතවුන අපි උදෑසන හිරු රැස්ට මුහුණලා කූඩාරම් ඔසවා ගතෙමු. අපි කෑම බීම බොහොමයක් අරගෙන ගියේ කුස පිරෙන්න, සීනි සම්බෝල එක්ක සැන්විච් පාන් උදේට.
පැය කිහිපයක නින්දකින් පසු සුන්දර කඳු වළල්ල වැසුන කබායක් වන් තෘණ බිමක හිතේ හැටියට නිදහසේ ඇවිද ගියා. සවස් යාමය වෙද්දී යලිත් රැස්වුන අපි රාත්‍රියට සූදානම් වුනා. හවස තේ එකක් බීලා ක්‍රැකර් එකක් කාපු ගමන් තාම අපි. ඔක්කොම හොඳ බඩගින්නෙ දැන්. රෑට පොල් රොටී. මැලයත් සූදානම් කරගත්තෙ සීතලෙන් මිදෙන්න. එත් ඉන්න බෑ රාත්‍රියේ සීතල.
මීදුම අතරින් ඈත කඳු මුදුන්හි හිරු රැස් උදේම කූඩාරමේ කවුළුව අතරින්. මැලය තාමත් පණ අදිනවා. ඒ මැලයටම තියල වතුර එකක් උණු කරල, අපි හොද කහට එකක් බිව්වා උදේම. දැන් පල්ලම් බහින්නයි සුදානම. අපි රෑ හිටි තැන හොදට සුද්ද කරලා, මතක විතරක් අරන් අපි ආපහු පල්ලම් බැස්සා.
ඊලග දවසේ කට්ටියටම ටිකක් මහන්සියි. එත් අතෑරියේ නෑ. එහෙම්ම ගියා බඹරකන්ද දිය ඇල්ල ලගටත්. එතනින් කෑම ටිකක් ඕඩර් කරලා දිගටම ගියා ලංකා ඇල්ල බලන්න. ඒකත් හැංගිලා තියෙන තවත් ලස්සනම ප්ලේස් එකක්. ලංකා ඇල්ලේ සුන්දරත්වයත් විදගෙනම ආපහු එනගමන් නැග්ගා බඹරකන්ද මුදුනට. එතනට යන්න නම් තහනම්, ඒත් මේ ලංකාව අපේ. පරිසරේ විනාශ කරන්නේ නැති සෙට් එකක් ඉන්නවනම්, එහෙම විනාශ කරන උන්ට විරුද්දව නැගී ඉන්න සෙට් එකක් ඉන්නවනම්, මේ ලංකාවේ තහනම් කරන්න තැන් ඕන නෑ. එකෙම්ම අපේ උන්, ඒ දවස් දෙකට, පස් හය දෙනෙක්ගෙන්ම ගේම ඉල්ලුවා. මග කුණු දාන නරුමයන්ගෙන්. කොහොමහරි අපි බඹරකන්ද දිය ඇල්ල වැටෙන තැනටම නැග්ගා. හැබැයි පරෙස්සමෙන්, හිටිගමන් අපිට අපි පෙන්නේ නෑ මීදුම නිසා. තව එකක් පයිනස් කොළ නිසා කකුල ලිස්සනව හරිම පරෙස්සමෙන් යන්න ඕන. ඊටපස්සේ ආපහු පහලට ඇවිල්ල හොදට බඹරකන්ද ඇල්ලෙන් නාල , කාල එන්න පිටත් උනා කොළඹට.
මේ රට අපේ. සොඳුරු තැන් බොහොමයි. බලාහිඳිද්දි මියැදෙන. එපා එහෙම වෙන්නදෙන්න! පොලිතීන්, ප්ලාස්ටික්, වීදුරු, අනෙකුත් අපද්‍රව්‍ය සියල්ල රැගෙන එන්න. ඒවා නිසි අයුරින් බැහැර කරන්න. තව එකක් බොන්න බලාගෙන නම් මේ තැන් වල යන්න එපා. මොකද බොන්න ඕනෑතරම් තැන් තියෙනව, ඒවට යන්න.
මේ උරුමයන් රැකගැනීම අපි සැමගේ වගකීමක්!
-ජූලා, උදාර
2019-03-02
#serendib #srilanka #lk
Like Us On Facebook : https://www.facebook.com/SerendibSri/
Subscribe Us On Youtube : https://www.youtube.com/channel/UCRA2yAfcoO7_8ySX-d_jaNg/
අපි ගියේ රැයක අසිරි විදින්න. ඕනෑම ගමනකට පෙර දැනුවත් වීම වැදගත් කරුණක්.කඳු මුදුනෙ දර නෑ මැලයකට අවශ්‍ය කරන.බීමට ජලය නෑ පිපාසය සංසිදුවාගන්න. ඉතින් අපි දරමිටි බැදගෙන, වතුර කර තියන් ෆයිනස් කැලයක් මැදින් මුදුනට ඇදුනා. ජීවිතේ තවත් සොඳුරුතුම ගමනක්. යලිත්, පරිසරයට හිතකාමී සිත් ඇත්තන් සමග යාම ආඩම්බරයක්.
මද්දහන ළං වෙනකොට අසීරු ගමනක අවසානයක. කඳු මුදුනෙහි කුඩා තැනිතලාව අපිරිසිදු වී ගිමන් නොහැරම පිරිසිදු කටයුතු වල නිරතවුන අපි උදෑසන හිරු රැස්ට මුහුණලා කූඩාරම් ඔසවා ගතෙමු. අපි කෑම බීම බොහොමයක් අරගෙන ගියේ කුස පිරෙන්න, සීනි සම්බෝල එක්ක සැන්විච් පාන් උදේට.
පැය කිහිපයක නින්දකින් පසු සුන්දර කඳු වළල්ල වැසුන කබායක් වන් තෘණ බිමක හිතේ හැටියට නිදහසේ ඇවිද ගියා. සවස් යාමය වෙද්දී යලිත් රැස්වුන අපි රාත්‍රියට සූදානම් වුනා. හවස තේ එකක් බීලා ක්‍රැකර් එකක් කාපු ගමන් තාම අපි. ඔක්කොම හොඳ බඩගින්නෙ දැන්. රෑට පොල් රොටී. මැලයත් සූදානම් කරගත්තෙ සීතලෙන් මිදෙන්න. එත් ඉන්න බෑ රාත්‍රියේ සීතල.
මීදුම අතරින් ඈත කඳු මුදුන්හි හිරු රැස් උදේම කූඩාරමේ කවුළුව අතරින්. මැලය තාමත් පණ අදිනවා. ඒ මැලයටම තියල වතුර එකක් උණු කරල, අපි හොද කහට එකක් බිව්වා උදේම. දැන් පල්ලම් බහින්නයි සුදානම. අපි රෑ හිටි තැන හොදට සුද්ද කරලා, මතක විතරක් අරන් අපි ආපහු පල්ලම් බැස්සා.
ඊලග දවසේ කට්ටියටම ටිකක් මහන්සියි. එත් අතෑරියේ නෑ. එහෙම්ම ගියා බඹරකන්ද දිය ඇල්ල ලගටත්. එතනින් කෑම ටිකක් ඕඩර් කරලා දිගටම ගියා ලංකා ඇල්ල බලන්න. ඒකත් හැංගිලා තියෙන තවත් ලස්සනම ප්ලේස් එකක්. ලංකා ඇල්ලේ සුන්දරත්වයත් විදගෙනම ආපහු එනගමන් නැග්ගා බඹරකන්ද මුදුනට. එතනට යන්න නම් තහනම්, ඒත් මේ ලංකාව අපේ. පරිසරේ විනාශ කරන්නේ නැති සෙට් එකක් ඉන්නවනම්, එහෙම විනාශ කරන උන්ට විරුද්දව නැගී ඉන්න සෙට් එකක් ඉන්නවනම්, මේ ලංකාවේ තහනම් කරන්න තැන් ඕන නෑ. එකෙම්ම අපේ උන්, ඒ දවස් දෙකට, පස් හය දෙනෙක්ගෙන්ම ගේම ඉල්ලුවා. මග කුණු දාන නරුමයන්ගෙන්. කොහොමහරි අපි බඹරකන්ද දිය ඇල්ල වැටෙන තැනටම නැග්ගා. හැබැයි පරෙස්සමෙන්, හිටිගමන් අපිට අපි පෙන්නේ නෑ මීදුම නිසා. තව එකක් පයිනස් කොළ නිසා කකුල ලිස්සනව හරිම පරෙස්සමෙන් යන්න ඕන. ඊටපස්සේ ආපහු පහලට ඇවිල්ල හොදට බඹරකන්ද ඇල්ලෙන් නාල , කාල එන්න පිටත් උනා කොළඹට.
මේ රට අපේ. සොඳුරු තැන් බොහොමයි. බලාහිඳිද්දි මියැදෙන. එපා එහෙම වෙන්නදෙන්න! පොලිතීන්, ප්ලාස්ටික්, වීදුරු, අනෙකුත් අපද්‍රව්‍ය සියල්ල රැගෙන එන්න. ඒවා නිසි අයුරින් බැහැර කරන්න. තව එකක් බොන්න බලාගෙන නම් මේ තැන් වල යන්න එපා. මොකද බොන්න ඕනෑතරම් තැන් තියෙනව, ඒවට යන්න.
මේ උරුමයන් රැකගැනීම අපි සැමගේ වගකීමක්!
-ජූලා, උදාර
2019-03-02
#serendib #srilanka #lk
Like Us On Facebook : https://www.facebook.com/SerendibSri/
Subscribe Us On Youtube : https://www.youtube.com/channel/UCRA2yAfcoO7_8ySX-d_jaNg/
Comments
Post a Comment